Րաֆֆի Հովհաննիսյանը պատրաստ է կրկին հանդիպել Սերժ Սարգսյանի հետ

Այսօր՝ մարտի 9-ին, Րաֆֆի Հովհաննիսյանը քաղաքացիների հետ հանդիպում ունեցավ նաև Գեղարքունիքի մարզկենտրոն Գավառում: 

Այս հանդիպումից առաջ ևս Րաֆֆի Հովհաննիսյանին ոստիկանները հորդորեցին հավաք չկազմակերպել, քանի որ հանրահավաքը արտոնված չէ, և կազմակերպիչներն ու մասնակիցները կարող են պատասխանատվություն կրել։ Ոստիկանին ի պատասխան՝ Րաֆֆի Հովհաննիսյանն ասաց, որ հանրահավաքն արտոնված է այնքանով, որ դրա իրավունքն ունի մեր ժողովուրդը:

«Ես եկել եմ ոչ թե իշխելու, ոչ թե փայ մտնելու, այլ ծառայելու։ Թող ոչ մեկը մեզ չսպառնա Արցախի հարցով, որովհետև Արցախի կայունությունը պայմանավորված է հենց մեր ժողովրդի հաղթանակով»,-ասաց Րաֆֆի Հովհաննիսյանը։

Վերջինս նաև նշեց, որ եթե Սերժ Սարգսյանը մինչև վաղվա հանրահավաքը հրավիրի իր մոտ՝ ճանաչելու ժողովրդի հաղթանակը, և կազմակերպվեն նոր ընտրություններ, ապա պատրաստ է կրկին հանդիպել Սերժ Սարգսյանի հետ։

http://lurer.com