Երբ հետապնդվում է ճշմարտությունը…

Ադրբեջանցի հռչակավոր գրող Ակրամ Այլիսին հետապնդվում է այսպես կոչված ‹‹հայամետ›› գրքեր հեղինակելու համար: Ադրբեջանում անգամ տեղի են ունեցել ‹‹հակաայլիսյան›› ցույցեր: Նրա գրքերը հրապարակայնորեն այրվել են, քանի որ ներկայացնում են ողջ ճշմարտությունը Հայաստան-Լեռնային Ղարաբաղ-Ադրբեջան հակամարտության շուրջ:

Ճշմարտությունը բարձրաձայնող գրողը զրկվել է իր բոլոր գրական մրցանակներից, իսկ նրա բարձրացտիճան ‹‹ընկերները›› 13.000 դոլլար պարգևատրում են խոստացել նրան, ով կկտրի Այլիսի ականջը: Չնայած այս ամենին, 75-ամյա Այլիսը չի զղջում, որ գրել և հրատարակել է իր ‹‹Քարե երազանքներ›› գիրքը:

Գիրքը ցնցել էր ադրբեջանցիներից շատերին: Շատերն անգամ կարծում են, որ այն կարող է հիմք հանդիսանալ վաղեմի թշնամի երկրների միջև նոր, առողջ հարաբերությունների հաստատման համար:

 ‹‹Ես գիտեի, թե ինչ եմ գրում: Շատերն ասում են, թե ես նսեմացնում եմ մեր ազգը, ես հակված եմ մտածել հակառակը, գիրքն անգամ բարձրացնում է մեր ազգի անունը››, - ասել է Այլիսը BBC-ի թղթակցի հետ իր հեռախոսազրույցի ժամանակ:

‹‹Նման արձագանքն անսպասելի չէր, բայց ես երբեք չեմ մտածել սպառնալիքների մասին, անգամ չէի կարող ենթադրել, որ գիրքս կարող են այրել: Մեր ժողովրդի նման պահվածքը պարզապես անընդունելի է: Գիրքն այրող երկիրը հարգանքի արժանանալ չի կարող››, - հավելել է Այլիսը:

Գիրքը ներկայացնում է հայ-ադրբեջանական հակամարտությունը 20-րդ դարում, ինչպես նաև պատմում մանրամասնություններ ադրբեջանցիների կողմից իրականացված հայերի մեծածավալ ջարդերի մասին` արտացոլելով ջարդերի սարսափն հայկական տեսանկյունից:
Գայանե Թունյան

Աղբյուրը` http://www.bbc.co.uk