Քսանմեկերորդ դարը մերն է լինելու. Վազգեն Սարգսյան

Այսօր` մարտի 9-ին Վանաձորի Սբ Գրիգոր 

Նարեկացի եկեղեցու հանդիսությունների 

սրահում տեղի ունեցավ միջոցառում-

հավաք` նվիրված Արցախյան շարժման 25-

ամյակին:

Միջոցառումը կազմակերպել էր <<Մեր 

Հայրենիք>> քաղաքացիական 

նախաձեռնությունը: Ներկա էին 

մտավորականներ, պատմաբաններ,

հասարակական 

գործիչներ, ստեղծագործողներ, ազատամարտիկներ , երիտասարդներ:

Բացման խոսքով հանդես եկավ <<Մեր 

Հայրենիք>> քաղաքացիական 

նախաձեռնության 

ղեկավար, պատմաբան Վարդգես 

Քեշիշյանը: Նա կարևորեց հատկապես երիտասարդների 

մասնակցությունը և հավելեց, որ նմանատիպ միջոցառումները կրելու են շարունակական 

բնույթ:

Իր օրհնության ու ողջույնի խոսքն ասաց Սբ Գր. Նարեկացի եկեղեցու հոգևոր հովիվ Տեր 

Վահան քահանա Ազարյանը:

Խոսք ասացին նաև` Հայաստանի գրողների միության Լոռու Մարզային բաժանմունքի 

նախագահ, բանաստեղծ Մանվել Միկոյանը, դերասան Վրույր Հարությունյանը, երաժիշտ, 

խմբավար Սերժ Հարությունյանը, ուրիշներ: Գեղարվեստական կատարումներով ՝ ասմունք, 

հոգևոր-հայրենասիրական երգեր, հանդես եկան ասմունքող Իվան Անտոնյանը, Վանաձորի 

Սբ Գր. Նարեկացի եկեղեցու <<Զանգակ>> կրթամշակութային կենտրոնի <<Սուրբ 

Տիրամայր>> մանկապատանեկան երգչախումբը, <<Վրույր Հարությունյանի թատերական 

և ասմունքի>> ստուդիայի սաները: 

Միջոցառումը վարում էր <<Մեր Հայրենիք>> քաղաքացիական նախաձեռնության 

ակտիվիստ, դերասան Սևակ Սարգսյանը, ով հանդիպումն ավարտեց Սպարապետ 

Վազգեն Սարգսյանի խոսքով. <<Քսանմեկերորդ դարը մերն է լինելու>>:

Վահե-Դավիթ Խաչիկյան